Krasniqi: Diskutimi i tryezës ishte shfryrje e Kurtit - Bota Sot
Krasniqi: Diskutimi i tryezës ishte shfryrje e Kurtit

Aktuale

E mërkurë, 19 shtator 2018

Krasniqi: Diskutimi i tryezës ishte shfryrje e Kurtit

Më: 25 maj 2018 Në ora: 11:57
Tryeza e thirrur nga VV

Shefi i grupit parlamentar të PDK-së, Memli Krasniqi, ka deklaruar se PDK është kundër zgjedhjeve por është gati për zgjedhje, për të cilat nuk vendoset nëpër tryeza por në Kuvendin e Kosovës.

Ai në tryezën e subjekteve politike ka thënë se Albin Kurti, si organizator i tryezës e ka devijuar qëllimin e tryezave që jemi dakorduar për të vazhduar tryezat.

“Në asnjë prej tryezave tjera nuk kemi diskutuar për zgjedhjet. Edhe diskutimi juaj nuk ishte në frymën e konsensusit, më shumë ishte shfryrje e juaja zotëri Kurti. Këto tryeza s’janë menduar si zëvendësim i Kuvendit. Ndërsa ju sot keni thirr tryezë për të organizuar zgjedhjet. PDK është kundër zgjedhjeve por ëshë gati për zgjedhje. Por zgjedhjet nuk organizohen me tryeza. Kosovës sot i duhet konsensus por nuk i duhen zgjedhjet, besa as ju nuk jeni për zgjedhje, tema e sotme është fars”, tha ai.

Ai i tha Kurtit që nëse duan zgjedhje, le ta niseni mocionin e mosbesimit në Kuvend, dhe pasi t’i bëjnë 61 vota, vendi shkon në zgjedhje.

Komentet
comments powered by Disqus
Sot mund të lexoni Shfletoni kopertinat
Sondazh
test