Në një situatë të pazakontë është gjendur Albin Kurti i cili po udhëheqë tryezën e thirrur nga Lëvizja Vetëvendosje. Në fjalimin me radhë që është duke u dhënë Kurti përfaqësuesve të partive politike janë ngritur tensionet.
Kurti ka paralajmëruar se fjalën me radhë do ta ketë Faton Kurti nga Partia Republikane, e që nxiti një reagim të ashpër të Musa Bajraktarajt.
“Mahir Yagcilar nga KDPT-ja, Rasim Demiri nga VAKAT-i, pastaj Nenad Rashiq dhe më pas Faton Kurti nga Partia Republikane”, kishte deklaruar Kurti.
I menjëhershëm ka qenë reagimi i Bajraktarajt duke thënë se Faton Kurti përfaqëson vetëm interesat e veta personale e jo edhe ato të partisë.
“Faton Kurti nuk e përfaqëson Partinë Republikane ai e përfaqëson një tjetër parti tjetër. Ky paraqitet në emër të Partisë Republikane për nevojat e tina, Partinë Republikane e përfaqësoj unë dhe kjo zonja këtu, kë e përfaqëson ai të tregon ai”, ka deklaruar Bajraktaraj.
