Kryetari i Partisë Demokratike Shqiptare (PDSh), Ragmi Mustafa, ka thënë se bisedimet në mes të Kosovës dhe Serbisë nuk mund të zgjasin deri në pafundësi.
Ai ka bërë me dije se ka ardhur koha që dialogu të përfundojë me njohjen reciproke ndërmjet dy vendeve.
Në këtë intervistë dhënë për “Epoka e re”, Mustafa ka deklaruar se Serbia nuk ka rrugë tjetër përveç njohjes së shtetit të Kosovës.
Ai ka treguar se gjendja në Luginën e Preshevës nuk ka ndryshuar meqë nuk ka ndonjë përparim për realizimin e të drejtave të shqiptarëve.
Mustafa ka thënë se shqiptarët janë në pritje për realizimin e të drejtave të tyre në të gjitha fushat, sidomos në përdorimin e lirë të gjuhës shqipe, flamurit kombëtar, teksteve mësimore, si dhe lëvizjes së lirë.
