Deputetja e Kuvendit të Kosovës, Mimoza Kusari-Lila, ka thënë se zemra e Fadil Vokrrit ka pushuar së rrahuri por veprat e tij do të jenë të pashuara, përcjell Bota sot.
Përmes një postimi në llogarinë e saj në Facebook, ajo ka thënë se fitoret e tij sollën dhe do të sjellin fitore tjera për ata që e duan sportin.
Postimi i plotë:
Zemra e Fadil Vokrrit pushoi së rrahuri, por vepra e legjendës është e pashuar sa të jetë jeta dhe sporti në Kosovë.
Kapiten, fitoret tua sollën dhe do të sjellin fitore për të gjithë sport dashësit e me to do të jetojë edhe shpirti yt gjithmonë.
Të qoftë i lehtë dheu i Kosovës të cilës i dha aq shumë!