Qeveria e Kosovës ka marrë vendim që drejtori i AKI-së, zëvendësdrejtori dhe kryeinspektori i AKI-së pas përfundimit të mandatit të marrin 70 përqind të pagës së tyre për pesë vjet.
Kryeministri Ramush Haradinaj tha se ka pasur raste ku drejtori e ka ndërprerë mandatin ndërsa siq tha ai AKI është arkiv i informatave dhe është rrezik të ekspozohen sidomos këto tri pozicionet e para.
“Ne rrezikojmë shumë që t’i lëmë të pambrojtur këto pozita në rast se nuk janë në punë. Kosova në kuadër të obligimeve që u jep atyre, në ruajtjen e sekretit të punës t’i marrë në mbulesë për një kohë të caktuar disa vjeçare”, tha Haradinaj./KosovaPress/
