Deputeti i Lëvizjes Vetëvendosjes, Xhelal Sveçla, thotë se presidenti Hashim Thaçi është rob i zënë peng në përpjekje dëshpëruese për ta shtyrë edhe pak Gjykatën Speciale të cilën, siç thotë ai, e krijoi vet.
Sveçla përmes një postimi në llogarinë e tij në Facebook i bën thirrje të parit të vendit ta braktisë këtë proces dhe të mos negociojë më, përcjell "Bota sot".
“Thaçi është rob i zënë peng në përpjekje dëshpëruese për ta shtyrë edhe pak Gjykatën Speciale të cilën e krijoi vet. Ne i bëjmë thirrje ta braktisë këtë proces dhe të mos negociojë më në emër të Kosovës”, ka shkruar Xhelal Sveçla. /BS
