Kryetari i Lëvizjes Vetëvendosje, Albin Kurti përmes një postimi në facebook ka shkruar se cilat janë etapat përgatitore për dialogun me Serbinë
Tutje Kurti ka shkruar se edhe çdo lloj debati për këtë dialog duhet të bëhet në Kuvend, me familjarët e të pagjeturve, si dhe me BE-në si ndërmjetësues
Gjithashtu i pari i VV-se ka thënë se ekipi i Kosovës duhet te këtë strategji dhe udhëheqës
Më poshtë mund të lexoni statusin e plotë
Përpara çfarëdo dialogu të ri me Serbinë, katër etapa përgaditore janë të domosdoshme në Kosovë:
1) Shqyrtim dhe vlerësim i dialogut 2011-2017 dhe i rezultateve të tij;
2) Synimet e Kosovës dhe kërkesat tona ndaj Serbisë;
3) Parimet dhe kushtet e dialogut të ri;
4) Ekipi ynë negociator me strategji dhe udhëheqës.
Dhe, tri lloj debatesh duhen bërë:
1) Në Kuvendin e Republikës së Kosovës;
2) Në shoqërinë kosovare me shoqatat e familjeve të të pagjeturve, pakicat, UP-në e AShAK-un, me ekspertët e ekonomisë etj.;
3) Me BE-në si ndërmjetësuese.
