Kryeministri i Kosovës, Ramush Haradinaj është takuar sot më Kryeministren e Mbretërisë së Bashkuar Theresa May në kuadër të Samitit të Ballkanit Perendimor në Londër.
Haradinaj ka shkruar në Facebook se mbështetja nga Britania e Madhe “është e një rëndësie të veçantë, si partner strategjik i Kosovës në konsolidimin ndërkombëtar”.
Postimi i plotë:
Bashkëbisedim përmbajtësor dhe i frytshëm me Kryeministren e Mbretërisë së Bashkuar Theresa May, në kuadër të Samitit të Ballkanit Perendimor në Londër.
Britania e Madhe e ka ndihmuar Kosovën në të gjitha etapat e shtetndërtimit dhe është koha që të fuqizojmë edhe më shumë bashkëpunimin ekonomik dhe tregtar.
Kosova është e përkushtuar për rrugën e saj euro-atlantike dhe në këtë rrugëtim mbështetja nga Britania e Madhe është e një rëndësie të veçantë, si partner strategjik i Kosovës në konsolidimin ndërkombëtar.
