Grupi Parlamentar i AAK-së ka dorëzuar projekt-rezolutën, ku ka kërkuar nga Qeveria e Kosovës që të mos fillojë dialogu me Serbinë, derisa të merret vendimi për heqjen e vizave për Kosovën, përcjell Bota sot.
Kjo është bërë e ditur përmes një postimi në Facebook nga deputetja Donika Kadaj Bujpi, nga takimi i GP-së, që kërkuan liberalizim të vizave para dialogut.
Postimi në Facebook:
Së bashku me kolegët e AAK-së, dorëzuam projekt-rezolutën ku kërkuam nga Qeveria që të mos fillohet dialogu me Republikën e Serbisë derisa të mirret vendimi përfundimtar për heqjen e regjimit të vizave për qytetarët e Republikës së Kosovës në zonën shengen.
Kërkuam liberalizim të vizave para dialogut.
