Ambasadori amerikan në Kosovë, Greg Delawie i ka shprehur ngushëllime familjes së Adem Demaçit.
“Ngushëllime familjes së Adem Demaçit. Lufta e tij e përjetshme për të drejtat e njeriut, dhe kontributi i tij për Kosovën nuk do të harrohen”, ka shkruar Delawie.
Adem Demaçi kaloi 28 vjet në burgje për shkak të bindjeve të tij politike dhe luftës për lirinë e popullit të Kosovës. Ai vdiq dje në moshën 82 vjeçare nga shkaqe natyrore. Varrimi i tij do të bëhet nesër në “Varrezat e Dëshmorëve” në Prishtinë.
