Kryeministri i Kosovës, Ramush Haradinaj po vazhdon ende të emërojë zëvendministra të rinj në kabinetin e tij.
Në një dokument të siguruar nga mediat, Haradinaj dje ka marrë vendim, sipas të cilit, Arbëresha Krasniqi është emëruar zëvendësministre e Tregtisë dhe Industrisë, në vend të Faton Thaçit.
Faton Thaçi, në muajin qershor kishte vendosur që ta lë postin e zëvendësministrit të Tregtisë dhe Industrisë.
Thaçi, i cili ka qenë i emëruar në këtë pozitë nga Nisma Socialdemokrate, kishte bërë me dije se do të angazhohet në mision me përgjegjësi të reja.
Arbëresh Krasniqi është psikologe e shkollës në qendrën e kompetencës në Malishevë dhe është asambleiste qe dy mandate.