Policia e Kosovës nga sot ka shtuar masat e sigurisë, ku pjesëtarët e saj kanë marrë urdhër që të punojnë nga 12 orë në ditë.
Burimet e Indeksonline brenda policisë kanë thënë se arsyeja e shtimit të forcave dhe zgjatja e orarit është bërë për shkak të situatës së sigurisë në përgjithësi. Përveç zgjatjes së orarit për zyrtarët policorë, policia ka vendosur që ti ndërpres edhe pushimet verore për stafin e saj.
Për gjendjen e sigurisë sot është mbledhur edhe Këshilli i Sigurisë së Kosovës, ku është thënë se organet e rendit do t’i përgjigjen çfarëdo lloj kërcënimi që i kanoset territorit të Kosovës.
