Kryetari i Lëvizjes Vetëvendosje, Albin Kurti e ka komentuar kërkimin e presidentit Hashim Thaçi që të takohet me presidentin rus Putin.
Kurti, për këtë e ka cituar një ish-bashkëluftëtar të Hashim Thaçit, i cili ka thënë se për mos me shku në burg Thaçi, kufirin e bjen deri në Vushtrri.
Madje, Kurti e ka quajtur Thaçin edhe si gjysmë president.
“Ambasadorit rus në Tiranë nga studioja e Opinionit të Blendi Fevziut, gjysmë Presidenti Hashim Thaçi i kërkoi takim me Putinin. Siç më tha një ish bashkëluftëtar i tij: "Ky Hashim Thaçi veç për mos me shku në burg, kufirin edhe në Vushtrri ta bjen!"”, shkruan Albin Kurti në Facebook, transmeton gazeta “Bota sot”.