Deputeti i PSD-së, Frashër Krasniqi, ka reaguar ndaj deklaratës së presidentit Thaçi se nuk është momenti i duhur që FSK të shndërrohet me ushtri, përcjell Bota sot.
Përmes një postimi në llogarinë e tij në Facebook, ai ka thënë se Thaçi nga dalë kundër ushtrisë, për shkak të nevojës për të qenë në qendër të vendimmarrjes.
Postimi i tij i plotë:
Nevoja për të qenë vetë në qendër të vendimmarrjes e bëri Thaçin të dalë kundër shndërrimit të FSK-së në ushtri. Anipse miratimi i këtij ligji është veprim shumë i drejtë dhe i nevojshëm për Kosovën.
Në fakt shumë shpesh po ndeshim pozicionime të caktuara të partive, që varen vetëm nga fakti se a është lideri i tyre drejtues i një proces të caktuar apo jo.
Hashim Thaçi është përfaqësuesi më tipik i këtij narcizizmi në politikën kosovare.
