Gruaja e Donal Trumpit, Melania, mori vëmendjen e publikut në ditën e parë të Konventës Nacionale të Republikanëve por u përball me akuzat se një pjesë e fjalimit të saj ishte i kopjuar nga Michelle Obama.
Komentatorët vërejtën ngjashmëritë me fjalimin e konventës së zonjës Obama në vitin 2008.
Në fjalimin e saj, zonja Trump e cilësoi burrin e saj si një njeri i “mëshirshëm” i cili do të “luftonte për vendin” e tij.
Por ekipi i z. Trump tha që zonja Trump ka përdorur “fjalë të përbashkëta”.
“Nuk ishte kopjim i fjalimit të Michelle Obama-së”, tha Paul Manafort, menaxher i kampanjës së Trumpit.
Ishte fjalimi i parë i saj në kampanjë dhe ajo kishte ndihmën e një ekipi që shkruan fjalime.