Zëvendëspresidenti amerikan Joe Biden ka deklaruar se pret që burgu ushtarak Guantanamo Bay në Kubë të mbyllet para se shefi i tij, presidenti Barack Obama të largohet nga Shtëpia e Bardhë në janarin e vitit të ardhshëm.
“Këto janë shpresat dhe pritjet e mia”, tha Biden në një konferencë shtypi gjatë një vizite në Suedi, thanë zyrtarët.
Obama në muajin shkurt të këtij viti pati deklaruar se nuk dëshiron që t`ia lërë Guantanamon pasardhësit të tij në postin e të parit të Amerikës, raporton Reuters.
Ai vuri në dukje se qendra e paraburgimit dëmton sigurinë kombëtare dhe se ajo duhet të mbyllet.