U dënua me 15 vite burg një nënë e cila ngacmoi seksualisht të dashurin e vajzës së saj adoleshente, deri sa bëri seks me të.
Ngjarja ka ndodhur në Georgia të Shteteve të Bashkuara të Amerikës, ku në shënjestrën e Kathy Tompa, ishte vënë i dashuri 15- vjeçar i vajzës së saj, të cilin e mashtroi fillimisht duke i thënë se do i mësonte një lojë se si të joshte të bijën.
Heather Dunn, prokurore e kontest së Forsyth, tregoi në gjykatë këtë të premte pak para dhënies së vendimit se si Kathy, joshi adoleshentin deri sa shkoi me të.
Marsin e kaluar Tompa u arrestua nga policia, por u la e lirë më pas për mungesë provash. Në fakt gruaja ka bërë gjithçka për t’i fshehur ato.
Prindërit e djalit siç shkruan noa.al, kishin vënë re se diçka nuk shkonte pasi notat e tij ishin përkeqësuar ndjeshëm, ashtu sikundër edhe mënyra e sjelljes. Kështu që i morën telefonin, kompjuterin e çdo pajisje elektronike, deri kur zbuluan chatin e të riut me gruan, duke e akuzuar atë.
Raporti mes tyre zgjati për gjashtë muaj dhe gruaja i kishte dhuruar djaloshit një smartphone ku kishte instaluar Facebook dhe Snapchat për të komunikuar, shkruan Express.
“Mesazhet e para u zbuluan dhjetorin e kaluar, kur ajo mësonte si të luante me të bijën, si ta joshte, si t’i hiqte këmishën dhe ta prekte”, tha prokurorja.
Më pas duke përfituar nga mungesa e të shoqit, Kathy e ftoi të riun në shtëpi për të bërë seks me të.
Prokurorja Dunn, pretendon se Tompa i është nënshtruar edhe një ndërhyrje për të rritur gjinjtë, në mënyrë që ta mbante të riun pas vetes.
Nëna e djalit deklaroi se, “I vodhi fëmijërinë tim biri. Jam e inatosur me të dhe me veten time”.
Tashmë adoleshenti po ndjek një terapi psikologjike, ndërsa familja u transferua nga zona ku jetonin, për shkak të poshtërimeve me të cilat përballeshin.
