Presidenti i zgjedhur amerikan Donald Trump ka zgjedhur kryetarin e Komitetit Kombëtar Republikan, Reince Priebus si shefin e ardhshshëm të stafit.
Ai thuhet se ka lidhje të mira me Trump dhe kryetarin e Dhomës Paul Ryan, i cili kundërshtoi shumë prej politikave të Trump gjatë fushatës, njoftojnë mediat amerikane.
Trump njoftoi gjithashtu se Stephen Bannon, do të shërbejë si strateg kryesor.
Trump pritet të marrë përsipër Shtëpinë e Bardhë më 20 janar, kur Barack Obama të japë dorëheqjen pas dy mandateve në detyrë.