Mediat në Nikaragua shkruajnë sot se lideri kuban, Fidel Castro, ka vdekur në moshën 90-vjeçare ditën e premte, dhe bëjnë një raport të vendeve që po e nderojnë kujtimin e tij.
HONDURASI
Qeveria e Hondurasit ka shprehur ngushëllimet më të përzemërta ndaj autoriteteve dhe popullit të Kubës për vdekjen e Castro.
“Populli dhe qeveria e Republikës së Hondurasit shprehin ngushëllimet e tyre të sinqerta dhe të përzemërta dhe simpatinë për popullin dhe qeverinë e republikës së Kubës për vdekjen e ish-Presidentit Fidel Castro,” thuhet në një deklaratë të Ministrisë së Jashtme të Hondurasit, shkruan laprensa.
VENEZUELA
Presidenti i Venezuelës, Nicolas Maduro, dhjetra mbështetës dhe mjekët kubanë bënë të shtunën në mëngjes një homazh pas vdekjes të Fidel Castro në mauzoleun ku prehen eshtrat e ish-presidentit Hugo Chavez.
“Kuba dhe Venezuela, një flamur” thanë ata që ndiqnin zhvillimet në Karakas, të drejtuar nga presidenti Maduro, gruaja e tij Cilia Flores dhe ambasadori i Kubës, Rogeliu Polanco.
Venezuela caktoi tre ditë zie kombëtare për të nderuar kujtimin dhe trashëgiminë e përjetshme të Castro, që ishte një mik i ngushtë i Chavez.
NIKARAGUA
Nikaragua ka dekretuar 9 ditë zie kombëtare për vdekjen e Fidel Castro. Gjatë këtyre ditëve, sipas dekretit presidecial, flamuri i Nikaraguas do të valëvitet ën gjysmë shtizë.
Daniel Ortega ka vënë në dukje në një fjalim të tij, vizitën e liderit kubanez në vitin 1985, që e vizitoi dy herë Nikaraguan.
Daniel Ortega dhe gruaja e tij Rosario dolën në Sheshin e Revolucionit në homazh të Fidel Castro, në një ceremoni që u ndoq nga ambasadori kuban dhe zyrtarët më të lartë të vendit.
RUSIA
Presidenti ruS Vladimir Putin ka telefonuar homologun e tij kuban Raul Castro për ta ngushëluar për vdekjen e liderit të revolucionit kuban, Fidel Castro. Putin tha se CasTro ishte një politikan I shkëlqyer që i shërbeu vendit të tij me devotshmëri dhe fitoi respektin e bashkësisë ndërkombëtare. Dje në mëngjes, Putin dërgoi një telegram ngushëllimi në të cilin e përshkroi Castro, si një symbol të një epoke të historisë bashkëkohore.
ALGJERIA
Presidenti Algjeria Abdelaziz Bouteflika ka dekretuar 8 ditë zie për vdekjen e liderit kuban Fidel Castro të cilin ai e quajti “një mik të madh personal” dhe për popullin algjerian.
MOTRA E FIDEL CASTRO NË SHBA
Juanita Castro, një nga motrat e Fidel Castro, e mërguar në Majami, ka thënë se i vjen keq për vdekjen e udhëheqësit të Revolucionit, por nuk do të marrë pjesë në varrimin e tij. “51 vjet më parë kam ardhur në mërgim në Majami si të gjithë kubanët për të gjetur një vend për të luftuar për lirinë e vendit të tyre,”tha Castro për “El Nuevo Herald”.