Një diplomat i Shteteve të Bashkuara u qëllua me armë në qytetin Jalisco të Meksikës ndërkohë që po dilte nga një qendër tregtare, shkruan “The Telegraph”.
I dyshuari për tentativën e vrasjes mundi të largohej nga vendi i ngjarjes por ai është qëlluar me armë më vonë gjatë arrestimit nga policia.
Hetuesit dhe zyrtarët e Prokurorisë së Përgjithshme në Jalisco kanë konfirmuar për Breitbart Texas se i dyshuari është identifikuar si një 31 vjeçar nga India që më vonë është natyralizuar si qytetar amerikan,.
I dyshuari Zafar Zia, u arrestua nga autoritetet Meksikane.
Në kohën e arrestimit autoritetet konfiskuan një armë të kalibrit 38, një makinë me licence kaliforniane dhe një paruke që besohet se është përdorur në kohën kur ka sulmuar diplomatin.
Motivi i tentativës për vrasjen e diplomatit duket se është pakënaqësia e autorit mbi procesin e vizave.