Kryeministri kanadez Justin Trudeau, është zotuar se do të flasë për vlerat dhe vendet e punës për kanadezët, sapo të takohet me presidentin amerikan Donald Trump, në Shtëpinë e Bardhë.
Udhëheqësi Liberal do të përpiqet që të nxisë lidhjet ekonomike dhe për të shmangur tensionet mbi çështje të tilla si emigracioni.
Zyrtarët amerikanë i thanë ABC News se çështja e punësimit te grave do të diskutohet në prani të Ivanka Trump, vajzës së presidentit amerikan.
Trudeau tha se pret që ata do të "gjejnë shumë të përbashkëta".
“Përgjegjësia e parë është që të nxjerrin në pah vlerat dhe parimet kanadeze dhe gjërat që i mbajnë vendin tonë të fortë", tha ai.
Trump dhe Trudeau do të takohen më vonë gjatë ditës së sotme.
