Shteti i Virginias anulon ndalesën e vizave të Trumpit

Amerika

Shteti i Virginias anulon ndalesën e vizave të Trumpit

Më: 14 shkurt 2017 Në ora: 10:08
Donald Trump

Një gjykatëse federal nga shteti i Virginias në SHBA ka dhënë vendimin që në Virginia të mos zbatohet ndalesa e udhëtimit e nënshkruar nga Donald Trump ndaj shtatë vendeve muslimane me arsyetimin se është në kundërshtim me Kushtetutën Amerikane, raporton AA.

Në vendimin e Leonie Brinkema, njëra nga gjykatësit në Gjykatën e Distriktit Lindor të Virginias, theksohet se ndalesa e udhëtimit është në kundërshtim me nenin e parë dhe të pestë të Kushtetutës Amerikane dhe shkakton "dëme të pariparueshme" ndaj popullit dhe institucioneve të Virginias. 

 "Është në dobi publike të pengohen aktivitetet të cilat jonë jokushtetuese", thuhet më tej në vendimin e gjykatëses. 

Nga ana tjetër, Kryeprokurori Demokrat i Virginias, Mark Herring, e ka cilësuar si "historike" këtë vendim, duke theksuar se kjo praktikë e Trump është diskriminim kundrejt myslimanëve. 

 Herring njoftoi se disa studentë nga vendet myslimane kanë fshirë regjistrat nga disa universitete në Virginia, duke bërë të ditur se kjo ka shkaktuar dëm në vlerë prej 20 milionë dollarësh nga shpenzimet e institucioneve të arsimit të lartë në shtet. 

 "Në Virginia, qindra, mbase mijëra persona, janë prekur nga kjo ndalesë, sepse mendojnë që do t'u anulohet viza nëse largohen dhe kjo aktualisht është një dëm i vërtetë, konkret dhe i prekshëm", është shprehur Herring. 

Sot mund të lexoni Shfletoni kopertinat