Eric Trump, djali i presidentit amerikan, Donald Trump, ka bërë të ditur sot nëpërmes rrjetit social Twitter se ai dhe bashkëshortja e tij po presin një djalë.
“Lara dhe unë jemi të emocionuar të iu tregojmë se po familjes Trump po i shtohet një djalë në shtator. Ka qenë një vit i mrekullueshëm. Jemi të bekuar,” ka shkruar Eric.
Ndërsa Presidenti Trump ka përgëzuar djalin dhe nusen, duke u thënë se ndjehet i lumtur dhe krenar me të dy.
Gruaja e Eric Trumpit, Lara, ka thënë se po kalon një shtatzëni të shëndetshme dhe pa probleme.
