Tre persona kanë humbur jetën dhe katër të tjerë janë lënduar si pasojë e një zjarri që ka shpërthyer në një ndërtesë në Honolulu të Havajeve.
Zjarri ka shpërthyer sot në katin e 26-të të ndërtesës “Marco Polo”.
Rreth 100 zjarrfikës kanë evakuuar qindra persona, ndërkohë që flakët përhapeshin edhe në katet e tjera të ndërtesës me 568 apartamente.
Një helikopter dhe qindra zjarrfikës janë impenjuar për të fikur zjarrin, që ka arritur deri në katin e 28-të.
Tash për tash nuk dihen ende shkaqet e zjarrit.