Kongresistja amerikane, Eddie Bernice Johnson ka reaguar ashpër ndaj vizitës së presidentit serb, Aleksandar Vuçiq në Washington.
Johnson i ka kërkuar me letër zyrtare zëvendëspresidentit amerikan, Mike Pence që të mos e presë atë në takim zyrtar, pasi sipas saj, Vuçiq dhe Serbia po bashkëpunojnë ngushtë me Rusinë, po e zvarrisin integrimin e rajonit në Bashkimin Evropian, si dhe nuk po e zbardhin rastin e vrasjes së vëllezërve Bytyqi.
Më poshtë letra e kongresistes amerikane dërguar zëvendëspresidentit amerikan me shumë prej arsyeve që ajo ka përmendur për kundërshtimin e kësaj vizite dhe shtyerjen për një kohë të pacaktuar.
