Sekretari amerikan i Shtetit, Rex Tillerson, ka deklaruar sot se vendi i tij edhe më tej është i gatshëm për të negociuar me Korenë Veriore.
Ai, pasi që lideri veri-korean Kim Jong-un shtyri vendimin për shkrepjen e raketave drejt territorit amerikan Guam, ka thënë se Uashingtoni është i gatshëm për bisedime.
Tillerson ka thënë se i mbetet liderit veri-korean të caktojë se kur bisedimet do të fillojnë.
I pyetur për vendimin e Kim Jong-un që të heqë dorë nga shkrepja e raketave, sekretari amerikan i Shtetit tha se nuk ka përgjigje për vendimin e liderit veri-korean.
“Edhe më tej jemi të interesuar për mënyrën që të vijmë deri te dialogu, por kjo i takon atij”, ka thënë Tillerson.
