Autoritetet e shtetit federal amerikan Florida njoftuan sot se ka ndërruar jetë edhe polici i dytë i plagosur me armë zjarri gjatë përleshjes me një të dyshuar.
Policia e qytetit Kissimmee në Florida njoftoi se Sam Howard ndërroi jetë si pasojë e plagëve të marra.
Kolegu i tij Matthew Baxter ka vdekur mbrëmë pas sulmit në Kissimmee, në afërsi të Orlandos.
Policia njoftoi se personi i dyshuar për vrasje është arrestuar disa orë më vonë.
Në Jacksonville, në Florida, natën e kaluar janë plagosur edhe dy policë, të cilët parandaluan një dhunë familjare, kur një i dyshuar hapi zjarr ndaj tyre, pas të cilës policia vrau sulmuesin.
