Sekretari amerikan i shtetit, Rex Tillerson, e ka riafirmuar përkushtimin e tij ndaj administratës së presidentit Donald Trump, pas disa raportimeve në se ai i ishte referuar presidentit si “idiot”.
Në një njoftim të pazakontë në Departamentin e shtetit, Tillerson ka thënë se ai kurrë nuk e ka konsideruar mundësinë e dorëheqjes nga administrata e Trump-it.
“Përkushtimi im ndaj agjendës së Trump-it është po aq i vendosur sa ishte në ditën kur unë fillova këtë punë”, tha Tillerson.
Ka pasur shpifje në Uashington se Tillerson, ish- drejtori i gjigandit të naftës, Exxon Mobil, ishte i zemëruar me administratën e Trump-it, në disa politika vendore dhe ndërkombëtare.
Tillerson nuk e ka hedhur poshtë raportimin e televizionit NBC, por ai tha se “janë të pakuptimta” këto komente të cilat janë të zakonshme në Uashington.
