Një nëndetëse ushtarake argjentinase me 44 anëtarë të ekuipazhit në bord që ndodhej në Atlantikun jugor nuk ka dhënë me shenja jete që prej të mërkurës dhe autoritetet e Argjentinës kanë lëshuar alarmin në të gjitha anijet që kalojnë në atë zonë.
Buenos Aires i ka kërkuar të gjitha anijeve të pranishme në zonë të jenë të kujdesshme ndaj të gjitha komunikimeve radio, ndërkohë që operacionet e kërkimit u zhvilluan dje në kushte të vështira meteorologjike.
“Nuk e dimë se çfarë ka ndodhur. Ende nuk kemi mundur ta gjejmë, as të kemi një kontakt, pamor ose me radar, me nëndetësen Ara San Juan”, tha Enrique Balbi zëdhënës i marinës argjentinase.
Ushtria privilegjon tezën e një problemi teknik me pajisjet e komunikimit.
