SHBA: Nuk dëshirohet luftë me K. Veriore, por ky regjim do të shkatërrohej - Bota Sot
SHBA: Nuk dëshirohet luftë me K. Veriore, por ky regjim do të shkatërrohej

Amerika

E premte, 15 dhjetor 2017

SHBA: Nuk dëshirohet luftë me K. Veriore, por ky regjim do të shkatërrohej

Më: 30 nëntor 2017 Në ora: 07:53
Ambasadorja amerikane në Kombet e Bashkuara, Nikki Haley

Ambasadorja amerikane në Kombet e Bashkuara, Nikki Haley, tha se Shtetet e Bashkuara nuk dëshirojnë luftë me Korenë Veriore, por ka tërhequr vërejtjen se “regjimi i Koresë Veriore do të shkatërrohej tërësisht” nëse “aktet e vazhdueshme të agresionit të saj” çojnë në luftë.

Duke folur mbrëmë vonë para seancës së jashtëzakonshme të Këshillit të Sigurimit të Kombeve të Bashkuara, ambasaadorja Haley tha se testi i fundit i Koresë Veriore i raketës së fuqishme ndërkontinentale balistike, për të cilën është pretenduar se mund të arrijë në tokën e Shteteve të Bashkuara, e ka shtuar emergjencën që të gjitha vendet t’i shkëpusin lidhjet me Phenianin.

Ajo i ka bërë thirrje Kinës, që është partneri më i madh tregtar i Koresë Veriore, që t’i ndërprejë të gjitha furnizimet me naftë për Korenë Veriore.

“Diktatori i Koresë Veriore ka marrë vendim dje që na sjell më afër luftës, e jo më larg nga ajo”, tha Nikki Haley.

Sot mund të lexoni Shfletoni kopertinat
Sondazh
    test