Michael Flynn, ish-këshilltar për siguri i presidentit të Shteteve të Bashkuara, Donald Trump, është akuzuar për dhënie të deklaratave të rreme para FBI-së, në muajin janar.
Ai është detyruar të japë dorëheqje në shkurt, pasi ka keqinformuar Shtëpinë e Bardhë për një takim me ambasaodrin rus, përpara se Trump të merrte detyrën.
Flynn akuzohet se “me dashje dhe vetëdije” ka bërë “deklarata të rreme, fiktive dhe mashtruese”.
Akuzat janë ngritur nga këshilltari i posaçëm, Robert Mueller, i cili po heton ndërhyrjen e dyshuar të Rusisë në zgjedhjet presidenciale në SHBA, vitin e kaluar.
