Zëdhënësi: Trump i tha Abbasit se synon lëvizjen e ambasadës në Jerusalem - Bota Sot
Zëdhënësi: Trump i tha Abbasit se synon lëvizjen e ambasadës në Jerusalem

Amerika

E hënë, 11 dhjetor 2017

Zëdhënësi: Trump i tha Abbasit se synon lëvizjen e ambasadës në Jerusalem

Më: 5 dhjetor 2017 Në ora: 20:08
Pamje nga takimi ndërmjet Donald Trumpit (majtas) dhe Mahmud Abbasit më 23 Maj të këtij viti

Zëdhënësi palesatinez, Nabil Abu Rdainah, ka njoftuar se presidenti amerikan, Donald Trump, i ka thënë presidentit të Autoritetit palestinez, Mahmud Abbas, se ai synon lëvizjen e Ambasadës së Shteteve të Bashkuara në Izrael në qytetin Jerusalem, megjithë vërejtjet në rritje në gjithë Lindjen e Mesme, kundër një veprimi të tillë.

Zëdhënësi Rdainah tha sot se lideri palestinez, Mahmud Abbas, “ka tërhequr vërejtjen për pasojat e rrezikshme që një vendim i tillë do t’i ketë për procesin e paqes, sigurinë dhe stabilitetin në rajon dhe në gjithë botën”.

Në deklaratë nuk theksohet se nëse Trump, i cili i ka thirrë liderët e Lindjes së Mesme për këtë çështje, e ka specifikuar kohën e një lëvizjeje të tillë.

Shtëpia e Bardhë e ka konfirmuar thirrjen me Abbasin, pa dhënë detaje të tjera.

Dje Shtëpia e Bardhë ka paralajmëruar se shpallja për vendimin për lëvizjen e ambasadës në Jerusalem do të bëhet gjatë “ditëve të ardhshme”.

Sot mund të lexoni Shfletoni kopertinat
Sondazh
    test