Zjarret kaliforniane parë nga orbita - Bota Sot
Zjarret kaliforniane parë nga orbita

Amerika

E shtunë, 21 korrik 2018

Zjarret kaliforniane parë nga orbita

Më: 9 dhjetor 2017 Në ora: 09:15
Pamje nga vendi i ngjarjes

Prej ditësh zjarrfikësit amerikanë janë vënë në garë me kohën për të fituar betejën me zjarret në Kaliforni.

Zona, veçanërisht pranë Los Anxhelesit është përfshirë nga disa vatra zjarresh e njëri prej tyre edhe në lagjen luksoze Beverly Hills.

Përmasat dhe dëmi i shkaktuar deri më tani nga flakët është i pallogaritshëm dhe gjurmët e tyre shihen deri në hapësirë.

Me mijëra zjarrfikës janë angazhuar në betejën deri tani të humbur ndaj flakëve, që kanë shkrumbuar më shumë se 40 mijë hektarë pa u ndalur aspak.

Lagështira nën 10% dhe erërat e forta janë faktorët pas “sprintit” të flakëve, që tashmë kanë mbërritur në zonat e banuara dhe kanë djegur me dhjetëra shtëpi e biznese.

Me dhjetëra mijëra njerëz janë evakuuar, ndërsa me qindra shkolla do të qëndrojnë mbyllur deri javën e ardhshme.

Autoritetet dhanë paralajmërime edhe për zonat që nuk janë prekur nga zjarret, pasi tymi i denduar ka mbuluar sipërfaqe shumë më të mëdha sesa flakët. Mediet amerikane raportojnë se tymi i zjarreve mund të shihet edhe nga Stacioni Hapësinor Ndërkombëtar në orbitën e Tokës.

Image
Sot mund të lexoni Shfletoni kopertinat
Sondazh
test