Të paktën 35 persona vdiqën sot në Peru, pas rënies së një autobusi në një përrua të thellë rreth 80 metra nga rruga kryesore, njoftoi policia.
”Deri më tani, bilanci i aksidentit automobilistik raportohet në 35 të vdekur dhe 20 të plagosur”, njoftoi në platformën Twitter Ministria e Brendshme e Perusë.
Sipas agjencisë së lajmeve “Andina”, aksidenti u shënua rreth orës 01:30 sipas orës lokale, në jug të Perusë.
Autobusi ishte nisur nga qyteti bregdetar i Chalas, në brigjet e Paqësorit dhe po orientohej drejt Arequipa.
