Republikanët e Trumpit kundër “luftës tregtare” - Bota Sot
Republikanët e Trumpit kundër “luftës tregtare”

Amerika

E martë, 25 shtator 2018

Republikanët e Trumpit kundër “luftës tregtare”

Më: 6 mars 2018 Në ora: 08:07
Ilustrim

Republikanët në Shtetet e Bashkuara shprehën shqetësim në lidhje me planet e presidentit Donald Trump për të vënë tarifa mbi metalet.

Udhëheqësi i Dhomës së Përfaqësuesve, Paul Ryan, tha se është “jashtëzakonisht i shqetësuar” për pasojat e një lufte tregtare, të cilat, sipas tij, mund të dëmtojnë përfitimet ekonomike.

Por, Trump u shpreh i vendosur gjatë një takimi me kryeministrin e Izraelit, Benjamin Netanyahu, në Shtëpinë e Bardhë.

“Nuk tërhiqemi. Nuk mendoj se do të ketë ndonjë luftë tregtare”, tha ai.

Zëdhënësja e Shtëpisë së Bardhë, Sarah Sanders, tha për gazetarët se presidenti Trump është “shumë i bindur” se do të fitojë çdo luftë tregtare.

Paul Ryan, ndërkaq, lëshoi një deklaratë që i bën thirrje Shtëpisë së Bardhë të rishqyrtojë planin e saj.

Javën e kaluar, Trump ka paralajmëruar se do të vë tatim mbi importet e çelikut dhe aluminit, duke thënë se SHBA-ja “është shkatërruar nga tregtia e padrejtë dhe politika e keqe”.

Planet e tij kanë nxitur reagime në gjithë botën.

Të hënën, Organizata Botërore e Tregtisë u bëri thirrje vendeve anëtare të "pengojnë rënien e dominove të para" të një lufte tregtare.

Komentet
comments powered by Disqus
Sot mund të lexoni Shfletoni kopertinat
Sondazh
test