Sekretari amerikan i Shtetit, Rex Tillerson, shkarkimi i të cilit u njoftua sot në mëngjes nga presidenti amerikan, Donald Trump, vlerësoi se presioni i komunitetit ndërkombëtar mbi Korenë e Veriut ka dhënë frutet e saj përtej pritshmërive.
Tillerson i cili do të jetë shef i diplomacisë amerikane deri më 31 mars, numëroi disa arritje, duke filluar nga Koreja e Veriut.
“Duke punuar me aleatët tanë, ne kemi tejkaluar pritshmëritë e të gjithë botës me fushatën e presionit mbi Korenë e Veriut”, tha ai.
Donald Trump dhe kreu koreanoverior, Kim Jong Un pritet të takohen në fund të majit.
