Qeveria e Meksikës njoftoi sot se ka arrestuar bashkëshorten e baronit të drogës, Nemesio Oseger, me akuza për pastrimin e fondeve për kartelin e tij të fuqishëm që është fajësuar për dërgesa të heroinës në SHBA.
I njohur si "El Mencho", Oseguera është bërë njeriu më i kërkuar i drogës në Meksikë, pasi Joaquin "El Chapo" Guzman u ekstradua në SHBA vitin e kaluar për t'u përballur me gjyqin.
“Gruaja e tij, Rosalinda Garcia, u arrestua në periferi të Guadalajara në shtetin perëndimor të Jalisco, pasi një gjykatë urdhëroi arrestimin e saj mbi krimet e organizuara dhe pastrimin e parave”, tha ministri i Brendshëm meksikan Alfonso Navarrete.
Sipas tij, Garcia administronte burime për kartelin e ri të bashkëshortit të saj, i konsideruar nga autoritetet si karteli më i fuqishëm i drogës meksikane, me operacione në SHBA, Amerikën Latine, Afrikë, Evropë dhe Azi.
Navarrete tha se rreth 1,800 kriminelë janë kapur që nga fundi i janarit pas lansimit të operacionit Titian Shield, një plan federal për uljen e dhunës në ‘pikat e nxehta’ në gjithë vendin.
