Presidenti amerikan, Donald Trump mori pjesë sot në ceremoninë e “Ditës Përkujtimore” në Varrezat Kombëtare në Arlington.
Gjatë fjalimit të tij në ceremoninë solemne në Varrezat Kombëtare të Arlingtonit, presidenti Trump falënderoi familjet e të rënëve gjatë luftës dhe veteranët e kombit.
“Sot, i gjithë vendi ynë ju falënderon dhe ju premton se, ne nuk do t’i harrojmë kurrë heronjtë tanë”, deklaroi presidenti amerikan Trump.
“Trashëgimia kulturore e akteve heroike të ushtarëve të rënë nuk është zbehur me kalimin e kohës, por është rritur, duke u përhapur më tej, duke prekur më shumë jetë dhe duke u zgjatur në kohë,” shtoi Trump.
