Autoritetet venezuelase kanë arrestuar gjashtë persona të dyshuar për përdorimin e dronëve me nga një kilogram eksploziv në një përpjekje për të vrarë presidentin Nicolas Maduro.
Ministri i Brendshëm Luis Reverol tha se sulmi i mbrëmshëm ishte terrorist dhe se arrestimet e reja do të pasojnë.
Shtatë persona u plagosën gjatë tentim vrasjes së shefit të shtetit të Venezuelës, derisa ai ishte së bashku me bashkëshorten e tij duke mbajtur një fjalim televiziv.
SHBA kanë hedhur poshtë mundësinë të jenë përfshira në sulm.
