Ylber Bajraktari , ka marrë Çmimin për shërbimin e Shquar për të gjithë punën e madhe dhe përkushtimin që ai ka vënë për të mbështetur Sekretarin e Mbrojtjes së SHBA-së.
Ylber Bajraktari, jo vetëm që punon në Pentagon, por ai së bashku me vëllain e tij, Yllin, cilësohen si dorë e djathtë e zyrtarëve më të lartë të Pentagonit, përfshirë Sekretarin Amerikan të Mbrojtjes, Ashton Carter.
Vëllezërit Bajraktari, në punën e tyre të përditshme, merren me çështje të politikës së mbrojtjes dhe politikës së jashtme dhe si të tillë ata udhëtojnë, anë e mbanë botës, me udhëheqësit më të lartë të mbrojtjes amerikane gjatë vizitave të tyre zyrtare jashtë vendit.