KANSAS CITY: Vlora Çitaku - Ambasadorja e R.Kosovës, në Washington, ka shkruar në llogarinë e saj në rrjetin social Facebook, se ajo ka përjetuar momente të veçanta, me fëmijët e Kosovës, të cilët kan dërguar kartolina në Ditën e Kujtimeve, ushtarve Amerikanë, që kan shërbyer në Kosovë në kuadër të NATO-s.
Ajo ka shkuar se kan qenë rreth 100 fëmijë të moshave të ndryshme nga Kosova, të cilët kanë shkruar kartolina për ushtarët amerikan të NATO-s, të cilët në mënyrën e tyre kanë shprehë falenderimet dhe admirimin e tyre për kontributin e e SHBA, dhe NATO-s në Kosovë, të cilët, nëpërmjet emocioneve të tyre duket të jen shprehur jashtëzakonisht falenderues se pikërisht ata kanë ndihmuar që vendi i tyre Kosova, tash e sa vite të gëzojë lirinë, dhe të kenë mbrojtjen e tyre.
“Momente emocionale nga kartolinat që u dërguan nga fëmijët kosovarë për ushtarët e SHBA-së në Ditën Përkujtimore, të cilat arritën në destinacionin e tyre përfundimtar! Kartolina këto që u pritën me emocione nga ushtarët e Divizionit të 1-të i Këmbësorisë, të cilët ishin edhe ndër trupat e para të Shteteve të Bashkuara dhe NATO-s, për të hyrë në Kosovë nën Operacionin e Përbashkët për Mbrojtjen e Kosovës” është shprehur Çitaku.
Më tej ajo nuk fsheh edhe ndjenjat e saj për këto kartolina faleminderimi që Çitaku, i ka quajtur ato si mesazhe nga fëmijët tanë të cilët dinë të përshkruajnë më së miri mirënjohjen e popullit të Kosovës, ndaj kombit amerikan.
Përveç kësaj, simbas Ambasadores së Kosovës, në Washington, Vlora Çitaku, disa nga kartolinat do të vendosen në stendat në muzeun ushtarak të Divizionit të 1 të Këmbësorisë në Fort Riley, Kansas, si një kujtesë e prekshme e lidhjes midis Forcave të Armatosura të SHBA dhe popullit të Kosovës.
