Prej vitesh të harruara, por të rizbuluara së fundi dhe të certifikuara, dy vepra të Van Gogh dhe dy piktura të Govert Flinck, nxënës i Rembrandt, suksesi i të cilit e kaloi atë të mësuesit të tij kur ishte gjallë, u ekspozuan për herë të parë në Holandë.
Një pikturë tjetër e Vincent van Gogh u zbulua në koleksionin e fondacionit të artit Van Vlissingen “Kodra e Montmartres me gurë”, e marsit 1886.
Është kjo vepër që ridoli nga një kërkim i thellë i ndërmarrë nga muzeu Van Gogh, në Amsterdam, mbi subjektin, stilin, teknikën, materialet e përdorura dhe origjinën e kësaj pikture deri tani të panjohur”, theksoi muzeu Singer Laren ku ajo u ekspozua.
“Për shumë vite, piktura kishte mbetur pa u vënë re në një koleksion privat deri sa u soll në muzeun Van Gogh në 2013 për autentifikim”, theksoi studiuesi Teio Meedendorp, i cili flet për një zbulim të jashtëzakonshëm.
Pas këtij zbulimi, një tablo e titulluar “Kodra e Montmartres” (1886), mënjanuar më parë nga mungesa e materialit krahasues, iu atribua gjithashtu Van Goghut.
Sipas Meedendorp, dy pikturat e Montmartres janë padyshim nga e njëjta dorë dhe dukshëm në stilin e pikturave sipas modelit të Van Gogh që ai ka realizuar në fillim të 1886, fillimisht në Anvers dhe më pas në Paris në atelienë e Fernand Cormon.
“Këto janë dy vepra të rralla që ilustrojnë mirë se deri në çfarë pike Van Gogh kërkonte ende stilin e tij gjatë periudhës dimër-pranverë 1886.
“Ato përbëjnë një fazë në procesin e mësimit të artistit, i cili u zbulua përfundimisht në Paris, por që vazhdoi të ndjekë rrugën artistike tradicionale”, shton studiuesi.
Këto vepra janë prezantuar sot për publikun gjatë ekspozitës “Impresionizmi dhe e ardhmja. Një udhëtim i mrekullueshëm” në muzeun Singer Laren.
Dy piktura, deri tani të panjohura nga Govert Flinck (1615-1660) u zbuluan në kuadër të ekspozitës “Ferdinand Bol dhe Govert Flinck – Mësuesit, nxënës të Rembrandt” në muzeun e Amsterdamit.
Pasi dëgjoi për ekzpozitën mbi Govert Flinck, pronari i këtyre pikturave që datojnë që prej vitit 1654 dhe që i mbante në sallonin e tij, propozoi t’i ofronte për muzeun që publiku i gjerë të mund t’i shikonte për herë të parë prej shumë kohësh.
Piktura ishin ekspozuar për herë të fundit në një shtëpi ankandesh në vitin 1894.