Shqipëria e viteve ’90 në objektivin e fotografit austriak

Art

Shqipëria e viteve ’90 në objektivin e fotografit austriak

Më: 1 korrik 2018 Në ora: 20:37
Foto nga ekspozita

Fotografi, antropologu, albanologu dhe studiuesi austriak Robert Pichler është rikthyer në Shqipëri me një ekspozitë të rrallë fotografie.

Në Gjirokastër, në muzeun Kadare, ai ndau me publikun imazhe të forta të jetës në fillimin e viteve në ‘90 kohë kur sapo ishte përmbysur regjimi komunist dhe tranzicioni reflektonte një kaos social gjithandej.

Gjirokastra, Kurveleshi, fshatrat e bregdetit, zona e Çorraj janë fiksuar në objektivin E Robertit që atëherë sapo kishte përfunduar studimet. Ai e vizitoi Shqipërinë për herë të parë në vitin 1989 kur ishte ende student e kur vendi jetonte momentet e fundit të diktaturës. Ai u rikthye në vitin 1992 e më pas në ’96 e ’97 dhe realizoi qindra fotografi.

Në Gjirokastër ekspozita përcolli surpriza dhe emocione të veçanta. Meafte Shehu gjeti në ekspozitë një fotografi të të atit që nuk jeton më.

Fushat kryesore të kërkimit të Pichler janë, familja dhe marrëdhëniet farefisnore, migrimi dhe transnacionalizmi, si edhe historia politike e shek 19të dhe 20të në Europen Juglindore.

Më të lexuarat
Sot mund të lexoni Shfletoni kopertinat