Atleti nga Gjakova, Tirron Mamusha, ndryshe është pjesë e klubit ‘Gërmia555’ nga Prishtina, vazhdon me rezultat të lakmueshme në rrafshin ndërkombëtar. Ai në mitingun ndërkombëtar në Elbasan zuri vendin e dytë në disiplinën 3.000 mijë metra. Mamusha tha se është një sukses i madh për të, për faktin se konkurrenca ka qenë mjaft e fortë, ku morën pjesë atletët nga Shqipëria, Maqedonia, Kosova, San Marino dhe Mali i Zi. “Jam i kënaqur me vendin e dytë dhe është një rekord personal. Faleminderit ekipit ‘Gërmia 555’ për përkrahjen e vazhdueshme dhe që vazhdimisht me japin forcë”, tha Mamusha, që ka ambicie të mëdha për garat e ardhshme.