Makina elektrike më e shpejtë… 576 km/h!

Auto

Makina elektrike më e shpejtë… 576 km/h!

Më: 22 shtator 2016 Në ora: 23:07
Venturi VBB-3

Vetura “Venturi VBB-3” është makina elektrike më e shpejtë në botë duke arritur një shpejtësi maksimale prej 576 kilometrash në orë, njoftoi sot prodhuesi francez i automobilave Venturi.

Modeli VBB-3, që do të thotë “Venturi Buckeye Bullet”, arriti një shpejtësi mesatare prej 549,43 kilometrash në orë në një distancë prej 1,6 kilometrash, një tjetër rekord që pritet të analizohet edhe nga Federata Ndërkombëtare e Automobilave (FIA).

Këto rekorde u vendosën në shtetin amerikan të Juta-s, në liqenin prej kripe të Bonneville, pranë qytetit Salt Lake City. Në timon ishte piloti amerikan Roger Schroer.

Vetura VBB-3 është prodhuar në vitin 2013 nga Venturi dhe Qendra e Kërkimeve të Automjeteve në Universitatin e Ohajos dhe priste prej tre vitesh të vendoste rekorede të reja mbi këtë shkretëtirë prej kripe me kushte perfekte për këtë lloj makine me performancë ekstreme.

Sot mund të lexoni Shfletoni kopertinat