Aeroplani më i madh në botë është një hap më afër fluturimit të parë.
I quajtur Stratolaunch, fluturakja me sukses ka arritur të ndezë që të gjashtë motorët gjigant, ku secili prej tyre peshon 4 mijë kilogramë.
Ky aeroplan është një projekt i paparë i bashkëthemeluesit të kompanisë Microsoft, Paul Allen, i cili dëshiron që kjo fluturake të ngritët në qiell.
Ky aeroplan është aq shumë i madh, sa që po të aterronte në një fushë futbolli krahët e tij do të qëndronin 3.8 metra prapa portave të portierëve.
Testet e fluturimit ishin paraparë të ndodhin gjatë vitit të kaluar dhe sivjet, por janë shtyrë deri në vitin 2019.
