Prodhuesi britanik Lotus, e ka lansuar modelin Evora GT410 që ka peshë të lehtë, aerodinamikë dhe fuqi më të madhe se makinat e mëparshme.
Kjo veturë sportive që e zëvendëson GT310, ka motor me 3.5-litra që prodhon 410 kuajfuqi.
“Kemi marrë për bazë të gjitha gabimet e modelit të mëparshëm, i shqyrtuam që të mos i përsërisim në të riun”, thuhet në raportin e Lotus.
Shpejtësinë nga zero deri në 100 kilometra në orë, e arrin për 3.9-sekonda, ndërsa ka shpejtësi maksimale prej 305 kilometrave në orë.
Pjesa e jashtme prej fibrave të karbonit, si dhe sistemi i nxjerrjes së gazit që është nga titani, e kanë lehtësuar këtë Evora për 96 kilogramë.
Makina mund të porositet me dy ose katër ulëse, prej kur fillojnë blerjet gjatë stinës së verës.
