Mazda ka publikuar detaje të modelit MX-5 për vitin 2019 në tregun japonez.
Avancimi më i rëndësishëm ka të bëjë me gamën e motorëve, ku SKYACTIV-G në modelin aktual siguron 184 kuaj fuqi. Kjo është e arritur duke iu falënderuar kokave të cilindrit, shpjegojnë në Mazda, transmeton KosovaPress.
Mazda MX-5 për 2019 do të debutojë në Japoni më 26 korrik dhe çmimet sillen prej 19.600 euro deri 29.300 euro.
Tash për tash nuk dihet se kur modeli i avancuar do të arrijë në tregun e pjesëve tjera të botës, përfshirë Evropën.