Drejtësia në Armeni shpalli fajtor një ushtar rus për vrasjen e shtatë anëtarëve të një familjeje armene më 2015 dhe e dënoi me burgim të përjetshëm.
Gjykata në qytetin Gyumri lëshoi sot verdiktin kundër Valery Permyakovit, por nuk e saktësoi se ku do ta shërbejë ai dënimin.
Permyakov, më herët, e ka pranuar fajësinë për krimin e kryer më 12 janar.
Rasti pati shkaktuar protesta masive në Armeni kundër pranisë ushtarake ruse.
Në qytetin Gyumri, 120 kilometra në veriperëndim të kryeqytetit Jerevan, Rusia e ka një kazermë me afro 3 mijë ushtarë.
