Irani eksporton 2,44 milionë fuçi nafte në ditë

Azia

Irani eksporton 2,44 milionë fuçi nafte në ditë

Më: 3 nëntor 2016 Në ora: 08:04
Ilustrim

Irani ka eksportuar në fund të muajit tetor 2,44 milionë fuçi naftë bruto në ditë (mbj), një nivel historik, deklaroi ministri iranian i Naftës, Bijan Namdar Zanganeh, cituar sot nga agjencia iraniane e lajmeve Mehr.

Para hyrjes në fuqi të marrëveshjes për programin bërthamor me fuqitë e mëdha në muajin janar dhe heqjen e një pjese të sanksioneve ndërkombëtare Irani eksorton rreth një milionë fuçi naftë në ditë.

Irani, që renditet i katërti për nga rezervat botërore të naftës dhe i dyti për gazin, vendosi në muajin maj një objektiv për eksportin e 2,2 milionë fuçive naftë në ditë, për të arritur nivelon e esporteve para sanksioneve.

OPEC ka vendosur në fund të shtatorit reduktimin e prodhimit për të mbështetur çmimin, Por tre vendet anëtare, Irani, Libia dhe Nigeria janë lejuar të prodhojnë në nivele maksimale.

Në mes të muajit tetor, Teherani ka njoftuar qëllimin për të rritur prodhimin në katër milionë fuçi naftë në ditë, niveli para sanksioneve në vitin 2011.

Sot mund të lexoni Shfletoni kopertinat